'Cërtli tla nëi' é n iniziativa piada ia dai Jogn da Lungiarü. Cun chësc proiet inviëiun düc a fa para y se devertí designan cërtli tles nëis dla val de Lungiarü. Ara se trata den evënt che moscëda adöm n ativité sana alaleria cun na buna fantasia y creativité. Le fin é chël de fa desëgns tla nëi pestan jö la nëi.

L'iniziativa 'Cërtli tla nei' é stata lanciata dal Gruppo Giovani di Lungiarü. Con questo progetto si invita tutti a partecipare e a divertirsi disegnando cerchi sulle neve nella valle di Lungiarü. Si tratta di un evento che raccoglie una attività sana all'aria aperta conbinata a fantasia e creatività. Il fine è quello di creare disegni nella neve calpestando la neve stessa.

Che organisëia pa l’evënt ‘Cërtli tla nëi’?
L’iniziativa é piada ia dal’Uniun di Jogn da Lungiarü che inviëia düc/dötes da tó pert y da se devertí sön la nëi da Lungiarü.

De ci se tratera pa?
Ara se trata de n evënt che moscëda adöm na sana ativité alaleria cun na buna fantasia y creativité.
Le fin é chël de fá dessëgns tla nëi pestan jö la nëi. Al pó gní fat de vigni sort de motifs: sëmenes, mandli, mandale, scrites y i.i.
Canche i ëis completé osta creaziun, fajede jö valgönes fotografies o ince video sce i orëis.

Can vëgnel pa fat i Cërtli tla nëi?
Vignun/vignöna é lëde/lëdia de fá süa creaziun tla nëi canche al/ara ó.

Che pó pa tó pert?
Düc/dötes chiche ó pó tó pert a chësc evënt. Les creaziuns tla nëi pó gní fates da porsones sores o ince da grups de deplü porsones.

Olá vëgnel pa fat?
Dötes les spersces dla val da Lungiarü curides de nëi vá bun. An pó sté tl urt dan porta, te n gran pré o sön munt olache al é lerch tanta che an ó.
La mosöra dl dessëgn ne é nia definida: i laurs po ester pici, gragn o ince dër gragn.

Co fejun pa da fá i cërtli sön la nëi?
An pó fá i dessëgns cun les ciaspes, cun i schi, cun i cialzá o ince descuc sce an ó 🙂
Por fá val’de geometrich pól oghé na corda, che pormët da fá i cërtli plü avisa.
Sön Youtube sot ala usc “cerchi sulla neve” vëigun tröc idees che pó ester de aiüt.
Ejëmpli: youtu.be

Olá vëgn pa publicades les foto?
Les foto vëgn püblicades sön le profilo Instagram Lungiaru cun le hashtag #cërtlitlanëi

Ci davagnun pa?
Ala fin de chësc evënt, che vëgn fat por l’pröm iade a Lungiarü, gnarale publiché i laurs plü bi tla Usc di Ladins y chisc ciafarà ince na scincunda dala uniun di jogn!

Olá ciafun pa i ajornamënc y la classifica?
Düc i agiornamënc sará da ciafé sön la plata internet www.lungiaru.it

Cal é pa le regolamënt por tó pert?
i laurs sön la nëi mëss gní fac tla val de Lungiarü. Sön les foto desson conësce che i sëis a Lungiarü. An po partezipé cun deplü laurz.
le post olache al vëgn fat le capolaur dess gní lascé nët, zënza refodam, al ne pó gní adoré degöna sort de corusc
les fotografies o ince video po gni ortiá sön WhatsApp al numer 347 992 2834
pro le laur dessl gní injunté n titul y l’inom/surainom dl/dles autur/ies che á fat le laur
por dé jö les foto di laurs él tëmp cina ai 30 de aurí dl 2021
ala fin gnaral trat fora i trëi laurs plü bí aladô di like sön la plata Istagram Lungiaru #cërtlitlanëi